ഇതെഴുതുന്നത് , സച്ചിനെ ദൈവം ആയി ആരാധിച്ചു സച്ചിനെ നമഹ:,സച്ചിനേ സ്തുതി എന്ന് ഊണിലും ഉറക്കത്തിലും ഉരുവിടുന്ന എന്റെ ചില സുഹൃത്തുക്കളുടെ അറിവിലേക്കാണ്. ബാകിയുള്ളവര് ഒരു നേരം പോക്കായി മാത്രമേ കാണാവേ.
ലോകം ഇപ്പോള്‍ കുത്തിനിര്‍ത്തിയിരിക്കുന്ന മൂന്നു ഉണക്ക കമ്പുകളുടെ പുറകെയാണല്ലോ. അതെങ്ങനെ, ഓടുന്നവന്‍റെ പുറകെ ഓടുക എന്നതാണല്ലോ നമ്മുടെ ശീലം. സ്വന്തമായ വഴികള്‍ അത്ര പത്യവുമല്ല. എന്താ ഇപ്പോ പെട്ടന്ന് സച്ചിന്‍റെ കാര്യം എന്നാകും ചിന്ത,അല്ലേ? അതുമല്ലേല്‍, "ഉണ്ടിരുന്ന ജോണിന് ഇപ്പോ പെട്ടന്നെന്താ ഒരു ഉള്‍വിളി" എന്നാതാകും ആലോചന. എന്ത് ചെയ്യാം. ഞാന്‍ കേട്ട് മടുത്തു......ഏത് മനുഷ്യനും ക്ഷമ എന്നൊന്നില്ലേ. കാര്യമൂടെ അങ്ങ് പറഞ്ഞേക്കാം.
അന്നന്നത്തെ അപ്പത്തിനു എന്താ വകയെന്നു നോക്കിനടക്കുന്ന നമ്മുടെ ചാനല്‍ മുതലാളിമാരു,"റിസര്‍ച്ച് അസിസ്റ്റന്റ്‌" എന്ന പേരില്‍ കുറച്ചുപേരെ ചൊല്ലും ചോറും കൊടുത്തു വളര്‍ത്തുന്നുണ്ട്.കക്ഷികളുടെ ജോലി
"തപ്പല്". സോറി, ചില വാക്കുകള്‍ക്കു ഒരു പ്രശ്നം ഉണ്ട്.നമ്മള് ചിന്തിക്കുന്നതാകില്ല കേള്‍ക്കുന്നവര് മനസ്സിലാക്കുന്നത്. കേള്‍ക്കുന്ന വാക്കിനു കൂടുതല്‍ പരിചിതമായ
അര്‍ത്ഥം സമൂഹം കല്‍പ്പിച്ചു നല്‍കിയിരിക്കുന്നത് ആണെല്ലോ നമ്മുടേം അര്‍ത്ഥം. അതിനാല്‍ ഈ നാട്ടിലൊക്കെ തന്നെ ജീവിക്കുന്ന ഞാന്‍ തപ്പല്- "തിരച്ചില്‍"
എന്നാക്കി മാറ്റുന്നു....ദയവായി വരവ് വെക്കണേ...കൂട്ടത്തില്‍ ഒരപേക്ഷയും. മാനനഷ്ട്ടത്തിനു ഒന്നും കേസ് കൊടുത്തു ഉള്ള മാനം കപ്പല് കേറ്റല്ലേ.അഥവാ ഇനിയും കൊടുത്താല്‍ തന്നെ, നാരങ്ങാ മിഠയി എന്ന് കേള്‍ക്കുമ്പോഴേ പോട്ടു പുല്ലു..പോട്ട്‌ എന്നും പറഞ്ഞു സ്ലോ മോഷനില്‍ ഓടി പോയി വാങ്ങി നുണയുന്ന
കൂതറ വക്കീലന്മാരെ ഒന്നും ഏല്‍പ്പിക്കരുത്.
അപ്പോള്‍ പറഞ്ഞു വന്നത് "തിരച്ചില്‍" ആണെല്ലോ! നമ്മുടെ മിക്കവരുടെയും അന്ന ദാതാവായ "ശ്രീമാന്‍/ ശ്രീമതി ഗൂഗിള്‍" ഉള്ളപ്പോള്‍ എന്നാ പേടിക്കാനാണന്നെ. ഇനിയിപ്പോള്‍ ഗൂഗിള്‍ ശ്രീമാനാണോ ശ്രീമതിയാണോ എന്നൊന്നും തപ്പാന്‍
നടക്കല്ലേ! പണികിട്ടുമേ....ഇത് വായിച്ചിട്ടും ആരേലും തപ്പാന്‍ പോയാല്
അമ്മച്ചിയാണേ ഞാന്‍ സ്കൂട്ടാകും. അങ്ങനെ പോകുന്നവരു താഴെ കൊടുത്ത മാതൃകയില്‍ ഒരു കുറിമാനം കൂടെ എഴുതിവെക്കുന്നതു ഉചിതമാകും. "യാതൊരു പ്രേരണയും ഇല്ലാതെ എന്റെ സ്വന്തം ഇഷ്ട്ടത്തില്‍ ചെയ്യുന്നത്" എന്ന്. ഇനിയും അറിഞ്ഞാലേ ഉറക്കം വരൂ എന്നൊള്ളവര്‍ക്ക് ഒരു എളുപ്പ വഴി പറഞ്ഞു തരാം. തിരയുന്നത് ശ്രീമാന്‍ എങ്കില്‍ ഗൂഗിള്‍ ശ്രീമതി അല്ലേല് നേരെ തിരിച്ചു. ഇതൊന്നും കേട്ട് എന്നോട് കെറുവിക്കരുത്.ഒരു നാട്ടു നടപ്പായി മാത്രം ഇതങ്ങു ചെവികൊണ്ടാല്‍ മതി. എന്തായാലും തിരച്ചില്‍കാരെ കൊണ്ട് ഒരു മിനിറ്റു കണ്ണടക്കാന്‍ പോലും നേരം കിട്ടാറില്ലെന്നു പാവം "ഗൂഗിള്‍" സങ്കടത്തോടെ പറഞ്ഞത് കേട്ടപ്പോള്‍ എന്നാ പറയാനാണന്നെ....വിഷമം കൊണ്ട് കണ്ണ് നിറഞ്ഞു പോയേ. കശ്മലന്മാര്.ലവന്മാ(ളുമാ)രൊന്നും ഗുണം പിടിക്കാതെ പോകട്ടെന്നെ. അല്ലാതെ വേറൊന്നും എനിക്ക് പറയാനില്ല. വേറൊരു വിശേഷം കൂടെ കൂട്ടത്തില്‍ സ്വകാര്യമായി പറഞ്ഞു.ഏതൊക്കെ നാട്ടുകാരാ ദിവസവും തെരക്കി വരുന്നതെന്ന്.
ചിലര്‍ക്കറിയേണ്ടത് നാലും മൂന്നും കൂട്ടിയാല്‍ ഏഴെന്നു എന്തുകൊണ്ടാ പറയുന്നത്, വൃത്തം വരച്ചാല്‍ എന്തുകൊണ്ട് സര്‍ക്കിള്‍ ലകിട്ടുന്നു,കടാപ്പുറത്ത്‌
എത്ര കൊട്ട മണലൊണ്ട്, അമ്പിളി അമ്മാവന്‍ (ചേട്ടനല്ല) ആരുടെ അമ്മാവനാണ്, കാട്ടിലെത്ര ആനയുണ്ട്, ആനയുണ്ട് എന്ന് പറയുന്നത് ആന ചോറ് ഉണ്ണ്ന്നതിനാണോ, ആന അപ്പിയിട്ടു എന്നു പറയാതെ പിണ്ടം ഇട്ടു എന്നെന്താ പറയുന്നത്, റെഡ്-ന്‍റെ മലയാളം ചുവപ്പോ,ചുകപ്പോ അതോ ചൊമൊലയോ, കോയിയാണോ മൊട്ടയാണോ ആദ്യം ഒണ്ടായത്,ഉണ്ട ഇല്ലാതെ വെടി വെക്കാന്‍ പറ്റുമോ, ഇറച്ചി ഒലര്‍ത്തിയത് എങ്ങനാ വെക്കുന്നത്, അമ്മേടെ ആങ്ങളെയെ അമ്മാച്ചന്‍ എന്ന് വിളിച്ചാല്‍ അമ്മേടെ അച്ഛനെ എന്ത് വിളിക്കും,കുട്ടിക്കും പട്ടിക്കും ഇടുന്നതാ വളം എന്ന് ആര് ആരോട് എപ്പോള്‍ പറഞ്ഞു, അങ്ങനെ പറഞ്ഞപ്പോള്‍ ആരെല്ലാം കൂടെ ഉണ്ടായിരുന്നു, തെളിവിനു വിഷ്വല്‍സ് ആരെടുത്തു, മുറ്റത്തെ ചെപ്പു എന്താണ്, ചെപ്പാ കുറ്റിക്ക് പൊട്ടീര് കൊടുക്കണം എന്നതിലെ ചെപ്പു മറ്റേ ചെപ്പാണോ, പുട്ടുകുറ്റിക്ക് പകരം ചെപ്പകുറ്റി ഉപയോഗിക്കാമോ, നെക്ക് ടൈ എങ്ങനെ കെട്ടാം, നെക്ക് ടൈ കെട്ടാന്‍ ഇന്ത്യന്‍ ടൈ നല്ലതോ എന്ന് തുടങ്ങി ദസ്തയേവ്‌സ്കി ഏതിനം വിസ്ക്കിയാണ്, മസ്കറ്റ് ഡ്യൂട്ടി ഫ്രീയില് വാങ്ങാന്‍ കിട്ടുമോ, ബഹിരാകാശത്തേക്ക് ആദ്യം പിടിച്ചു പോയ "ലൈക" എന്ന നായിണി അവിടെ വെച്ച് മര്‍ഗയ ആയതിനെ കുറിച്ച് അന്യേഷിച്ച കമ്മറ്റി സമര്‍പ്പിച്ച റിപ്പോര്‍ട്ട്‌ എന്നാണ് പുറത്തുവിട്ടത്,മരണ കാരണം എന്താണ്, കോഫി അന്നന്‍ എന്നതോ കോഫി അണ്ണനോ ശരി എന്ന് വേണ്ട പണ്ടാര കാലമാടന്മാര്‍ക്ക് അറിയാന്‍ ഒരു നൂറായിരം കാര്യങ്ങള്.
എത്ര കൊട്ട മണലൊണ്ട്, അമ്പിളി അമ്മാവന്‍ (ചേട്ടനല്ല) ആരുടെ അമ്മാവനാണ്, കാട്ടിലെത്ര ആനയുണ്ട്, ആനയുണ്ട് എന്ന് പറയുന്നത് ആന ചോറ് ഉണ്ണ്ന്നതിനാണോ, ആന അപ്പിയിട്ടു എന്നു പറയാതെ പിണ്ടം ഇട്ടു എന്നെന്താ പറയുന്നത്, റെഡ്-ന്‍റെ മലയാളം ചുവപ്പോ,ചുകപ്പോ അതോ ചൊമൊലയോ, കോയിയാണോ മൊട്ടയാണോ ആദ്യം ഒണ്ടായത്,ഉണ്ട ഇല്ലാതെ വെടി വെക്കാന്‍ പറ്റുമോ, ഇറച്ചി ഒലര്‍ത്തിയത് എങ്ങനാ വെക്കുന്നത്, അമ്മേടെ ആങ്ങളെയെ അമ്മാച്ചന്‍ എന്ന് വിളിച്ചാല്‍ അമ്മേടെ അച്ഛനെ എന്ത് വിളിക്കും,കുട്ടിക്കും പട്ടിക്കും ഇടുന്നതാ വളം എന്ന് ആര് ആരോട് എപ്പോള്‍ പറഞ്ഞു, അങ്ങനെ പറഞ്ഞപ്പോള്‍ ആരെല്ലാം കൂടെ ഉണ്ടായിരുന്നു, തെളിവിനു വിഷ്വല്‍സ് ആരെടുത്തു, മുറ്റത്തെ ചെപ്പു എന്താണ്, ചെപ്പാ കുറ്റിക്ക് പൊട്ടീര് കൊടുക്കണം എന്നതിലെ ചെപ്പു മറ്റേ ചെപ്പാണോ, പുട്ടുകുറ്റിക്ക് പകരം ചെപ്പകുറ്റി ഉപയോഗിക്കാമോ, നെക്ക് ടൈ എങ്ങനെ കെട്ടാം, നെക്ക് ടൈ കെട്ടാന്‍ ഇന്ത്യന്‍ ടൈ നല്ലതോ എന്ന് തുടങ്ങി ദസ്തയേവ്‌സ്കി ഏതിനം വിസ്ക്കിയാണ്, മസ്കറ്റ് ഡ്യൂട്ടി ഫ്രീയില് വാങ്ങാന്‍ കിട്ടുമോ, ബഹിരാകാശത്തേക്ക് ആദ്യം പിടിച്ചു പോയ "ലൈക" എന്ന നായിണി അവിടെ വെച്ച് മര്‍ഗയ ആയതിനെ കുറിച്ച് അന്യേഷിച്ച കമ്മറ്റി സമര്‍പ്പിച്ച റിപ്പോര്‍ട്ട്‌ എന്നാണ് പുറത്തുവിട്ടത്,മരണ കാരണം എന്താണ്, കോഫി അന്നന്‍ എന്നതോ കോഫി അണ്ണനോ ശരി എന്ന് വേണ്ട പണ്ടാര കാലമാടന്മാര്‍ക്ക് അറിയാന്‍ ഒരു നൂറായിരം കാര്യങ്ങള്.
അങ്ങനിരിക്കുമ്പോഴാ ഏതോ ഒരു പോങ്ങന്‍ ഒരു ചോദ്യവും കൊണ്ടെത്തിയത്...തെരയാനേ..."ഓടും കുതിര,ചാടും കുതിര,ബാള് കണ്ടാല് നിക്കും കുതിര".പലതരം ചോദ്യങ്ങളും കേട്ടിട്ടുണ്ട്...എന്നാല്‍ ഇങ്ങനൊരു ചോദ്യം...സത്യം പറയാല്ലോ....ഒരാള് വന്നു ചോദിച്ചിട്ട് എങ്ങനാ അറിയില്ലെന്ന് പറഞ്ഞു വിടുന്നത്.
പിന്നെ ചോദിച്ച പോങ്ങനെ ഒന്നറിഞ്ഞു വെക്കാമല്ലോ,ഭാവിയില്‍ ഒരു കരുതലാകുമല്ലോ എന്നുംവിചാരിച്ചാ അവന്റെ ഐ.പി. ക്കുതന്നെ കേറി പിടിച്ചത്.ആള് കാഞ്ഞ പുള്ളി. മാത്രമോ,ഏഷ്യന്‍ ഭൂഖണ്ഡം മുഴുവന്‍ നെറ്റ് വിരിച്ചിരിക്കുന്ന ഇത്തിരി വല്യ പുള്ളി.ഈയടുത്ത്കേട്ടതൂടെ പറയാം; ഭൂഖണ്ഡന്തര മിസ്സൈല്കള് ഒക്കെ തൊടുത്തു ആള് കമ്പോളത്തില് വിലസുകാണെന്ന്.ഓരോരുത്തവന്‍മാരുടെ യോഗം.അല്ലാതെന്താ.ഈ യോഗം എന്നൊക്ക പറയുന്നത് അങ്ങനെ സ്ഥിരമായി ഒരാള്‍ക്ക്‌ കുത്തകപാട്ടത്തിനു കൊടുത്തിരിക്കുന്നതാണോ? മാതൃഭൂമിയോടുള്ള സ്നേഹം അസ്ഥിക്ക് പിടിച്ചു ചിലര്, മലയാളികള്‍ ഉള്ലെടുത്തെല്ലാം, മുള്ളാന്‍ പോയാല് അതും ലൈവ് ആയി കാട്ടും എന്ന് ഉറപ്പിച്ചു കൊടേം വടീം പിടിച്ചോണ്ട് വരുന്നതിനു മുന്നോടിയായി എവിടുന്നൊക്കെയോ ആരെയെല്ലാമോ തോണ്ടിക്കൊണ്ട്‌ പോകുന്നു എന്നത് കേട്ടറിഞ്ഞിട്ടു കാലമേറെ കഴിഞ്ഞില്ലല്ലോ! ഒന്ന് തോണ്ടിയാലുടനെ വെറുംകയ്യോടെ ഇറങ്ങി കൂടെ പോയാല് ഓക്കെ.അവിടേം കൊണ്ട് നിര്ത്തത്തില്ലല്ലോ.പോകുന്ന പോക്കില് കുറച്ചു പുരാണം പറച്ചിലും ഉണ്ട്. കേട്ടാല് വായിക്കകത്ത് കുറച്ചു ആടിന്‍ കാഷ്ട്ടം വാരിയിടാന്‍ തോന്നും. ആര് കേട്ടാലും ശരിവെക്കുന്ന "വിഭാഗിയത" എന്ന വാക്കും ഇമ്പോസിഷന്‍ എഴുതിച്ച്ട്ടാ, തോണ്ടുന്നവര്
തോളത്തിരുത്തി പൊന്നേ പൊടിയെ ചക്കരെയേ എന്നൊക്കെ വിളിച്ചു പ്രലോഭിപ്പിച്ചു കാര്യം കാണാന്‍ കൊണ്ടുപോകുന്നതെന്ന് മാലോകര്‍ക്കെല്ലാം അറിയാമെന്നത് മാത്രമാ ചെറിയൊരാശ്വാസം.ഇനിയും വിഭാഗിയത ഏറ്റില്ലെങ്കില്‍ അടുത്തതു റെഡി. പല തോണ്ട് കിട്ടിയപ്പോഴും, മാനം മര്യാദയായി ജീവിച്ചു
പോകണം എന്നുകരുതി വലയില്‍ ചാടാതിരുന്നവരെ, പിച്ചിയെന്നോ മാന്തിയെന്നോ ഒക്കെ പറഞ്ഞു അപമാനിക്കുക. എന്തെങ്കിലും കിട്ടിയാല്‍
ലവന്റെ പണി തീര്‍ക്കാം എന്ന് കരുതി ഇരിക്കുന്ന ചില പുങ്കനന്‍മാര്, കേട്ട പാതി കേള്‍ക്കാത്ത പാതി, കോലായില്‍ പൊളവനെ തല്ലാന്‍ ചാരിവെച്ച പത്തലും എടുത്തു പായലായി. ചില ശല്‍വി മാരും സിന്ധു മാരും മുരളിമാരും കൂട്ടത്തില്‍ ബ്രിട്ടാനിയ യൂദാസുമാരും. ഇങ്ങനെയുള്ളിടത്താ ഉണ്നിമായയും,ഗോപി മന്ജൂരാനും, കസ്തൂരിയും ഒക്കെ.പോകുന്നവരൊക്കെ പോകട്ടന്നെ. പുലികിടന്ന മട എന്നും പുലിമടയാണ്.അതിപ്പോ പുലി കാടിറങ്ങി ഒരു പോക്ക് പോയന്നും വച്ചു മടയുടെ പേര് മാറ്റാന്‍ പറ്റുമോ.ഒരു പുലി പോകുമ്പോള്‍ വേറൊരു പുലി... അല്ല പിന്നെ.
അതേ എനിക്ക് ഇങ്ങനെ ഒരു ചെറിയ പ്രശ്നം ഉണ്ട്...ഒന്നും മനപ്പൂര്‍വ്വം അല്ല കേട്ടോ....എല്ലാം തികച്ചും യാദൃശ്ചികം മാത്രം. ഒന്ന് പറഞ്ഞോണ്ടിരിക്കുമ്പോള്‍ ആ കൂട്ടത്തില്‍ അതുമായി ബന്ധപെട്ട എന്തെല്ലാമോ തിക്കി കയറി വരുന്നു.എന്ത് ചെയ്യാം.പറയാതെ പോയാല് അവരൊക്കെ എന്ത് കരുതും.എല്ലാരേം തൃപ്തി പെടുത്തണമല്ലോ!
പോങ്ങന്‍റെ ആ ഒരു ചോദ്യം എന്റെ നെഞ്ചകത്താ കേറി തറച്ചത്. കുറച്ചേറെ രക്തം കിനിഞ്ഞിറങ്ങിയെന്നു പറഞ്ഞാല്‍ നിങ്ങള്ക്ക് വേദനയുടെ തീവ്രത റിക്ടര്‍ സ്കെയില്‍ ഇല്ലാതെ അളക്കുവാന്‍ സാധിക്കുമോ?
നൂറ്റി ചില്വാനം കോടി മനുഷ്യരെ കഴുതകളാക്കി,എങ്ങനെ യാതൊരു ഉളുപ്പും ഇല്ലാതെ, ഇങ്ങനെ ചെയ്യാന്‍ കഴിയും? ലിറ്റില്‍ മാസ്റ്റര്‍ ആണ് പോലും.ഫൂ..താന്‍ എവിടുത്തെ ലിറ്റില്‍ മാസ്റ്റര്‍ ആണ് ഹുവാ.കഴിഞ്ഞാണ്ടില് ഇതേ ദിവസം നാഗ്പൂരില്‍ നടന്ന ലോകകപ്പില്‍ പാവം പിടിച്ച ദക്ഷിണാഫ്രിക്കക്കാരന് മോര്‍ക്കിനെ ബൌണ്ടറി കടത്തി നാല്പത്തിയെട്ടാം ഏകദിനത്തില്‍ നേടിയ തൊണ്ണൂറ്റിഒന്‍പതാം ശതകത്തിനു ശേഷം താന്‍ എന്തോന്ന് തേങ്ങാകുലയാടോ ചെയ്തിരിക്കുന്നത്. അന്നേ തനിക്കു അങ്ങ് വിരമിച്ചു പണ്ടാരമടങ്ങരുതായിരുന്നോ? ഒന്നുമില്ലേല്‍ ആ ദ്രാവിഡിനെ കണ്ടു പഠിക്കു.ഓരോ കളിക്കും ഇപ്പോഴേതാണ്ടങ്ങ് ഒലത്തും എന്നു പറഞ്ഞു കളത്തിലിറങ്ങി, ബാള് കണ്ടാല് ഏതോ ബോംബ്‌ ആണെന്ന ധാരണയില്‍ അടിച്ചാല്‍ ഇപ്പൊ പൊട്ടും എന്ന പരുവത്തില്‍ ഒള്ള നില്‍പ്പ് കാണുമ്പോള് കഷ്ട്ടം തോന്നുവാ. ഇന്ന് 367 ദിവസമായി എന്നെ പോലുള്ള കഴുതകള് താനിപ്പോ ശതകത്തില്‍ ശതകം തികയ്ക്കും എന്ന പ്രതീക്ഷയില്‍ വിഡ്ഢി പെട്ടിയുടെ മുന്‍പില്‍ കുത്തി ഇരിക്കാന്‍ തുടങ്ങിയട്ടു.
ദാ, മറ്റൊരു വിശേഷം കൂടെ കിട്ടിയിരിക്കുന്നു.തന്നെ പറ്റി തന്നെയാ.ഇടക്ക് ചോദ്യങ്ങള് ചോദിച്ചു ഡിസ്റ്റര്ബ് ചെയ്യാതെ പറയുന്നത് കേള്‍ക്കടോ. വെറുതെ ഫ്ലോ കളയാതെ. കഴിഞ്ഞ ഒരു വര്ഷം ബാറ്റും തൂക്കി പോയിട്ട് 32 ഇന്നിങ്ങ്സില്‍ നിന്നും ആകെ നേടിയത് ആയിരത്തിഎഴുപത്തിഏഴു റണ്‍സ്. എവിടെ പോയി പഴയ ആ ഉഷാറൊക്കെ?
തീരെ ഗതികെട്ടിട്ടു വിഷമം കൊണ്ടാ ഇത്രയും പറഞ്ഞതെന്ന് മനസ്സിലായോ. രവി ശാസ്രിത്രിയുടേം, വെങ്ങ്സര്ക്ക‍റിന്റേം, ഗവാസ്ക്കരിന്റെം ഒക്കെ കാലഘട്ടത്തില്‍ കുറ്റിയും കോലും, സാറ്റും ഒക്കെ കളിച്ചു നടന്ന സ്ഥലങ്ങളില്‍ നിന്നും മൈതാന്ങ്ങളുടെ വിസ്തൃതിയില്‍ വെള്ളക്കയിലും, മച്ചിങ്ങേലും, ടെന്നിസ് ബാളേലും, റബര്‍ ബാളേലും, ലതര്‍ ബാളേലും അവസാനമായി കോര്‍ക്ക് ബാളിലും അടിച്ചു പഠിച്ചു കളിച്ചു വളര്‍ന്നു വന്ന എന്‍റെയൊരു പഴയ "സ്പോട്സ് സ്റ്റാര്‍" മാത്രം വാങ്ങി അതിന്റെ കൂടെ കിട്ടുന്ന ക്രിക്കറ്റ് കളിക്കാരുടെ പോസ്റ്ററുകള്‍ ശേഖരിക്കല് പതിവാക്കി കാട്ടുവള്ളി ചിറയിലും, കാളച്ചന്തയിലും ഒക്കെ കളിച്ചു കൊണ്ടിരുന്ന ചങ്ങാതിയെ പോലെ എത്ര പേര് അവരുടെ ജീവ വായുവായി ക്രിക്കറ്റിനെ മനസ്സില്‍ കരുതുന്നു എന്നറിയുമോ?
അവിടം കൊണ്ടും തീരുന്നില്ല. കുരക്കണ്ണികാരന്‍ (വര്‍ക്കല) ജോജിന്‍ എന്ന ചങ്ങാതി പണ്ടെന്നോ താങ്കളെ പറ്റി വാളില്‍ എന്തോ പോസ്റ്റിയതു വായിച്ചതായി ഒരു ചെറിയ ഓര്‍മ്മ. ചങ്ങാതി ആഗംലേയത്തില്‍ ആണിട്ടത്. " Master Blaster" എന്നൊക്കെ പറഞ്ഞു തുടങ്ങി അടുത്തത് "Master Plaster" ആയി ...പിന്നെ നുറുങ്ങുന്ന ഹൃദയത്തോടെ അവന്‍ എഴുതിയിരിക്കുകയാ,ദയവായി താങ്കള്‍ നൂറു എന്നത്
മറന്നു ഒരു 30-40 എങ്കിലും സ്കോര്‍ ചെയ്യാന്‍ .താങ്കളുടെ വ്യക്തിഗത താത്പര്യങ്ങള്‍ക്ക് വേണ്ടി ടീമിനെ ബലിയാട് ആക്കരുതെന്ന് .അത് അവന്റെ മാത്രം
അഭിപ്രായം അല്ല ഡിയര്‍ പ്ലാസ്റ്റര്‍.
ഞങ്ങള്‍ക്ക് അറിയാം താങ്കള്‍ ഒരു കാലത്ത് ഈ ടീം -ന്‍റെ സര്‍വ്വവുമായിരുന്നു എന്ന് .എല്ലാവര്ക്കും എല്ലായിപ്പോഴും അങ്ങനെ തുടരാന്‍ സാധിക്കില്ല .നേടി
തന്ന എല്ലാ വിജയങ്ങള്‍ക്കും നന്ദിയുണ്ടേ . കൂട്ടത്തില്‍ നേടിയെടുത്ത എല്ലാ റെക്കോര്‍ഡുകള്‍ക്കും. എന്നും പറഞ്ഞു എത്രന്നും വെച്ചാ ഹുവ്വാ മനുഷ്യന്‍മാര് ക്ഷമിക്കേണ്ടത്.
ഞാന്‍ തത്ക്കാലം നിര്‍ത്തുകയാ. വരുന്ന മാച്ചില് ഒരു നൂറും അടിച്ചു, അന്ന് തന്നെ ഉള്ളതെല്ലാം വാരിയെടുത്ത് ഇന്ത്യന്‍ ക്രിക്കറ്റ് ടീമില്‍ നിന്ന് സ്വയം പുറത്തു പോയി
വേണമെങ്കില്‍ പഴയ രോമാന്ജ കുന്ജുകങ്ങള്‍ ചെയ്യുന്ന പോലെ വല്ല കോച്ചായോ കമന്റ്ററ്ററായോ ആയോ സെലക്ടര്‍ ആയോ പുതിയ കുപ്പായത്തില് വന്നാല്‍ പിന്നേം ഞങ്ങള് സഹിക്കും.അല്ലേല് അമ്മച്ചിയാണേ തൂക്കി എടുത്തു പുറത്തു
കളയുമേ. പിന്നിരുന്നു മോങ്ങല്ലേ!
12.03.2012
Muscat
തീരെ ഗതികെട്ടിട്ടു വിഷമം കൊണ്ടാ ഇത്രയും പറഞ്ഞതെന്ന് മനസ്സിലായോ. രവി ശാസ്രിത്രിയുടേം, വെങ്ങ്സര്ക്ക‍റിന്റേം, ഗവാസ്ക്കരിന്റെം ഒക്കെ കാലഘട്ടത്തില്‍ കുറ്റിയും കോലും, സാറ്റും ഒക്കെ കളിച്ചു നടന്ന സ്ഥലങ്ങളില്‍ നിന്നും മൈതാന്ങ്ങളുടെ വിസ്തൃതിയില്‍ വെള്ളക്കയിലും, മച്ചിങ്ങേലും, ടെന്നിസ് ബാളേലും, റബര്‍ ബാളേലും, ലതര്‍ ബാളേലും അവസാനമായി കോര്‍ക്ക് ബാളിലും അടിച്ചു പഠിച്ചു കളിച്ചു വളര്‍ന്നു വന്ന എന്‍റെയൊരു പഴയ "സ്പോട്സ് സ്റ്റാര്‍" മാത്രം വാങ്ങി അതിന്റെ കൂടെ കിട്ടുന്ന ക്രിക്കറ്റ് കളിക്കാരുടെ പോസ്റ്ററുകള്‍ ശേഖരിക്കല് പതിവാക്കി കാട്ടുവള്ളി ചിറയിലും, കാളച്ചന്തയിലും ഒക്കെ കളിച്ചു കൊണ്ടിരുന്ന ചങ്ങാതിയെ പോലെ എത്ര പേര് അവരുടെ ജീവ വായുവായി ക്രിക്കറ്റിനെ മനസ്സില്‍ കരുതുന്നു എന്നറിയുമോ?
അവിടം കൊണ്ടും തീരുന്നില്ല. കുരക്കണ്ണികാരന്‍ (വര്‍ക്കല) ജോജിന്‍ എന്ന ചങ്ങാതി പണ്ടെന്നോ താങ്കളെ പറ്റി വാളില്‍ എന്തോ പോസ്റ്റിയതു വായിച്ചതായി ഒരു ചെറിയ ഓര്‍മ്മ. ചങ്ങാതി ആഗംലേയത്തില്‍ ആണിട്ടത്. " Master Blaster" എന്നൊക്കെ പറഞ്ഞു തുടങ്ങി അടുത്തത് "Master Plaster" ആയി ...പിന്നെ നുറുങ്ങുന്ന ഹൃദയത്തോടെ അവന്‍ എഴുതിയിരിക്കുകയാ,ദയവായി താങ്കള്‍ നൂറു എന്നത്
മറന്നു ഒരു 30-40 എങ്കിലും സ്കോര്‍ ചെയ്യാന്‍ .താങ്കളുടെ വ്യക്തിഗത താത്പര്യങ്ങള്‍ക്ക് വേണ്ടി ടീമിനെ ബലിയാട് ആക്കരുതെന്ന് .അത് അവന്റെ മാത്രം
അഭിപ്രായം അല്ല ഡിയര്‍ പ്ലാസ്റ്റര്‍.
ഞങ്ങള്‍ക്ക് അറിയാം താങ്കള്‍ ഒരു കാലത്ത് ഈ ടീം -ന്‍റെ സര്‍വ്വവുമായിരുന്നു എന്ന് .എല്ലാവര്ക്കും എല്ലായിപ്പോഴും അങ്ങനെ തുടരാന്‍ സാധിക്കില്ല .നേടി
തന്ന എല്ലാ വിജയങ്ങള്‍ക്കും നന്ദിയുണ്ടേ . കൂട്ടത്തില്‍ നേടിയെടുത്ത എല്ലാ റെക്കോര്‍ഡുകള്‍ക്കും. എന്നും പറഞ്ഞു എത്രന്നും വെച്ചാ ഹുവ്വാ മനുഷ്യന്‍മാര് ക്ഷമിക്കേണ്ടത്.
ഞാന്‍ തത്ക്കാലം നിര്‍ത്തുകയാ. വരുന്ന മാച്ചില് ഒരു നൂറും അടിച്ചു, അന്ന് തന്നെ ഉള്ളതെല്ലാം വാരിയെടുത്ത് ഇന്ത്യന്‍ ക്രിക്കറ്റ് ടീമില്‍ നിന്ന് സ്വയം പുറത്തു പോയി
വേണമെങ്കില്‍ പഴയ രോമാന്ജ കുന്ജുകങ്ങള്‍ ചെയ്യുന്ന പോലെ വല്ല കോച്ചായോ കമന്റ്ററ്ററായോ ആയോ സെലക്ടര്‍ ആയോ പുതിയ കുപ്പായത്തില് വന്നാല്‍ പിന്നേം ഞങ്ങള് സഹിക്കും.അല്ലേല് അമ്മച്ചിയാണേ തൂക്കി എടുത്തു പുറത്തു
കളയുമേ. പിന്നിരുന്നു മോങ്ങല്ലേ!
12.03.2012
Muscat
2 comments:
ഒന്നുകില്‍ കുരുവി അല്പം കഞ്ചാവ് അടിച്ചോണ്ട് അപരന്തത്തിന്റെ അനന്തതകളില്‍ എഴുതിയ മോഡേണ്‍ സാഹിത്യം അല്ലെങ്കില്‍ എന്റെ അറിവില്ലായ്മ എന്തായാലും വായിച്ചു പകുതി ആയപ്പോഴേക്കും ഉറങ്ങിയത് അറിഞ്ഞില്ല... പിന്നെ ദോഷം പറയരുതല്ലോ നല്ലൊരു ആശയത്തെ എന്തെല്ലാമോ തിക്കി കയറി വന്നു ബാലല്കാരം ചെയ്തു . എന്തായാലും ഒരു കാര്യം ഉറപ്പാ ഈ കുരുവി ഒരു ഒന്ന്ഒന്നര പറക്കല്‍ പറക്കും . ഓള്‍ ദി ബെസ്റ്റ് കുരുവി..
കുരുവി പാടുക ...മാധുര്യം ഉള്ള പാട്ടുകള്‍. ആശംസകള്‍
Post a Comment